Bis dich d’r beej zaoterdaag 3 fibberwarie? We gaon iets vertrouwds doon in de binnestad van Venlo. We make namelik mit vuul joeks en jen de Groët Venloosche Nar 2024 bekind. Allein doon we det op ein iets andere menier. We gaon paradere euver de Parade en euver de catwalk veur ’t stadhoes op de mert. Mis ’t neet.
D’r zien maar leefs 20 collega vastelaovesvereiniginge mit eur hoéghede aanwezig. Die gaon allemaol mei parader. En geluif ôs det is de meujte waerd um te bekieke. We verzamele vanaaf 11.00 oor beej kefee Take Five. Aansloétend aan ’t oétroope gaon we vare euver Mooder Maas… Vanaaf 13.00 oor leet de Maashopper aan de Havekade. De entree van ôs evenemente is hielemaol gratis. Laes heej mier euver De 3-kes Daag 2024.
