De organisatse van de boétezitting en De 3-kes slaon tiédes de 33ste edisie de hand in elkaar. Kômmende zaoterdaag wuurt d’r tösse 9.00 en 13.30 oor live radio gemak vanoét ‘nne mobiele studio. ‘t programma het ‘Boétegewoeëne De 3-kes radio’.
We hebbe in ’t naojaor de organisasie van de boétezitting benaderd mit de vraog of we kôste samewerken tiédes de 33ste edisie. Same mit ein aantal trouwe partners hebbe we dit initiatief kinne verwezenlikke.
Groëte dank aan OfficeCube, Louis Huys spesjaal transport, Jathe Zeilmakerij, restaurant Niej-Jork en Disco Limburg. Dankzij eur ondersteuning kinne weej mit ‘nne entoesiaste crew zaoterdaag live radio gaon make.
Winaksie: Polsbendjes
De aafgelaupe daag waas d’r ein winaksie waobeej vastelaovesvierders 2 polsbendjes veur de zoepkoel, ein ontbijt bij restaurant Niej-Jork, de jubelpin Boétezitting en De 3-kes muts koste winne. De winnaer make weej nog bekind.
Oét alle inzendinge waere 23 liedjes gekaoze die tiédes de oétzending waere gedreid. Inzenders hebbe dus zelf gedeitelik de playlis kinne samestelle. Tössedoor zien d’r interviews en auk reportages oét de binnenstad te beluistere. ’t Is meugelik beej de studio te kômme kieke. Restaurant Niej-Jork is geäöpend.